नेपाल टि २० क्रिकेट विश्वकपको समुह चरणबाट बाहिरिएको छ । समुह चरणका ४ खेलमा नेपालले १ अंक मात्र बटुल्न सक्यो ।
पहिलो खेलमा नेपालले नेदरल्याण्डसंग ६ विकेटको हार बेहोरेको थियो । श्रीलंकासंग दोस्रो खेल रहेकोमा सो खेल वर्षाको कारण रद्द भएर नेपालले १ अंक पाएको थियो । तेस्रो खेलमा नेपालले साउथ अफ्रीकासंग १ रनको झिनो हार बेहोरेको थियो । अन्तिम खेलमा बंगलादेशसंग २१ रनले पराजित भएपछि नेपाल अंक तालिकामा १ अंक मै सिमित रही समुहको पुछारमा रह्यो। नेपाल रहेको समुह डि बाट ८ अंक बटुलेको साउथ अफ्रीका र ६ अंक बटुलेको बंगलादेश दोस्रो चरणमा प्रवेश गरेका छन् । श्रीलंका, नेदरल्याण्ड र नेपाल बाहिरिए । यी ३ टिमले क्रमश ३, २ र १ अंक बटुलेका थिए ।
यस संगै नेपालले अब सन् २०२६ मा हुने विश्वकपमा सहभागी हुनको लागि क्षेत्रिय विश्वकप छनौट प्रतियोगिता खेल्नु पर्ने भएको छ । समुह चरणबाट बाहिरिए पनि नेपालले २ लाख २५ हजार अमेरिकी डलर पुरस्कार पाउने छ । अन्तराष्ट्रिय क्रिकेट काउन्सिल आईसीसीले प्रतियोगितामा सहभागी २० देश मध्ये १३ औ देखि २० औ स्थानसम्म रहने टिमलाई समान २ लाख २५ हजार डलर दिने छ । सोहि अनुसार नेपालले २ लाख २५ हजार डलर अर्थात् ३ करोड ५९ हजार ५ सय ५० नेपाली रुपैयाँ पाउने छ ।
यस बाहेक आईसीसीलले हरेक जितको लागि ३१ हजार १ सय ५४ डलर दिने भनेको थियो । नेपालले एउटा पनि खेल नजितेकोले सो रकम पाउन भने नेपाल बन्चित भयो ।
यस प्रतियोगिताको बिजेताले २.४५ मिलियन डलर र उपविजेताले १.३८ मिलियन डलर पाउने छ ।
