अविरल वर्षका कारण कोसी नदीमा पानीको बहाव २ लाख क्युसेक नाघेको छ । आइतबार बिहान ८ बजे १ लाख ७६ हजार ३०५ क्युसेक पानीको बहाव मापन गरिएकोमा अपरान्ह ४ बजे २ लाख ९ हजार ८४० क्युसेक पुगेको हो ।
जिल्ला प्रहरी कार्यालय सप्तरीका अनुसार पानीको बहाव बढेसँगै कोसी ब्यारेजका ५६ मध्ये २८ वटा ढोका खोलिएको छ । साथै, पानीको सतह बढेर खतराको तहनजिक पुगेपछि कोसी ब्यारेजमा रातो झण्डा र रातो बत्ती बालिएको छ । रातो झण्डा र रातो बत्तीले चेतावनीको संकेत गर्छ ।
प्रशासनले नदी आसपासका बासिन्दालाई उच्च सतर्कता अपनाउन आग्रह गरेको छ ।
