आज भदौ २९ गते सोमबार ४ वटा सूचीकृत कम्पनीले लाभांश सम्बन्धि निर्णय सार्वजनिक गरेका छन् । आज अरुण भ्याली हाइड्रो पावर, शाइन रेसुङ्गा डेभलपमेन्ट बैंक, सर्वोत्तम पेन्ट्स र नेपाल ल्युब ओइलले लाभांश सम्बन्धि निर्णय सार्वजनिक गरेका हुन् ।
जस अनुसार अरुण भ्याली हाइड्रोपावर डेभलपमेन्ट कम्पनी लिमिटेडले आर्थिक वर्ष २०८२/८३ को लागि ५ प्रतिशतबोनस शेयर र कर प्रयोजनको लागि ०.२६३ प्रतिशत नगद गरि कुल ५.२६३ प्रतिशत लाभांश वितरण गर्ने प्रस्ताव गरेको छ । कम्पनीले असोज २७ गते साधारणसभा बोलाएको छ भने असोज १३ गते बुक क्लोज गर्ने निर्णय गरेको छ।
नेपाल ल्युब ओइल लिमिटेडले आर्थिक वर्ष २०८२/८३ को लागि १५ प्रतिशत बोनस शेयर र कर प्रयोजनको लागि समेत ६.०५२६४ प्रतिशत नगद गरि कुल २१.०५२६४ प्रतिशत लाभांश वितरण गर्ने प्रस्ताव गरेको छ । कम्पनीले असोज १९ गते साधारणसभा बोलाएको छ भने असोज ५ देखि असोज १९ गतेसम्म बुक क्लोज गर्ने निर्णय गरेको छ।
शाइन रेसुङ्गा डेभलपमेन्ट बैंकले आर्थिक वर्ष २०८२/८३ को लागि ६ प्रतिशत बोनस शेयर र कर प्रयोजनको लागि समेत १० प्रतिशत नगद गरि कुल १६ प्रतिशत लाभांश वितरण गर्ने प्रस्ताव गरेको छ । राष्ट्र बैंकले स्वीकृत गरेपछि कम्पनीको आगामी साधारणसभाले पारित गरेपछि उक्त लाभांश लगानीकर्तामा वितरण हुनेछ ।
