घरजग्गा कारोबारमा लाइसेन्स अनिवार्य: भूसेवा केन्द्रले अड्कायो गाँठो

spot_img
spot_img

सरकारले लाइसेन्स प्राप्त कम्पनी (ब्रोकर)मार्फत मात्रै घरजग्गा कारोबार गर्नुपर्ने गरी गरेको निर्णय फागुन १९ गते सूचना जारी गरेर स्थगित गरेपछि यस सम्बन्धमा अनेकौँ आशंका उब्जिएका थिए । भूमि व्यवस्थापन तथा अभिलेख विभागले महानगरपालिका र उपमहानगरपालिकाभित्र ३ करोड रुपैयाँभन्दा माथिको घरजग्गा कारोबार अनिवार्य रूपमा ब्रोकरमार्फत मात्रै गर्नुपर्ने प्रावधान स्थगित गर्दा भू–सेवा केन्द्र सञ्चालनको अनुमति लिन समय लाग्ने भएकाले स्थगित गरिएको जनाएको थियो ।

विभागले यसअघि फागुन ८ गते परिपत्र गर्दै फागुन २५ गतेबाट इजाजात प्राप्त कम्पनीबाट मात्रै घरजग्गा कारोबार गर्नुपर्ने प्रावधान ल्याएको थियो । महानगरपालिका र उपमहानरपालिका क्षेत्रभित्र घरजग्गा कारोबार गर्दा लाइसेन्स प्राप्त कम्पनीबाट मात्रै गर्नुपर्ने भनिएकोमा फागुन १९ मै उक्त परिपत्र स्थगित भएको थियो ।

भूसेवा केन्द्र सञ्चालनको अनुमति लिन आह्वान

भूमि व्यवस्थापन तथा अभिलेख विभागले चैत १० गते सूचना जारी गरेर लाइसेन्स पाएका कम्पनीहरुलाई भूसेवा केन्द्र सञ्चालनको अनुमति लिन आह्वान गरेको छ । विभागका अनुसार पहिलो चरणमा लाइसेन्स पाएका ३६ वटा कम्पनीलाई भूसेवा केन्द्र सञ्चालनको अनुमति लिन आह्वान गरिएको छ ।

भूसेवा केन्द्र सञ्चालनको अनुमति लिनका लागि विभिन्न ८ थरीका कागजातसहित पूर्वाधार समेत तयार भएको हुनुपर्ने विभागको सूचनामा उल्लेख छ । कम्प्युटर, प्रिन्टर, स्क्यानर र कम्तीमा ५/५ एमबीपीएस इन्टरनेट जडान गरेको हुनुपर्नेछ । यसैगरी, भू–सूचना प्रणालीसँग कम्प्याटिवल हुने बायोमेट्रिक डिभाइस, वेब, क्यामेरा तथा दस्तखत मेशिन र पावर ब्याकअप सिस्टम हुनुपर्ने विभागले जनाएको छ ।

भू-सेवा केन्द्र सञ्चालनको अनुमति लिनका लागि निवेदन दिँदा ५ हजार रुपैयाँ दस्तुर लाग्नेछ भने २ लाख रुपैयाँ धरौटी बापत जम्मा गर्नुपर्नेछ । धरौटी रकमको सट्टा बैंक ग्यारेन्टी पेश गर्ने सुविधा विभागले दिएको छ ।

भू-सेवा केन्द्र सञ्चालन निर्देशिका अनुसार भू-सेवा केन्द्रबाट मुख्यतया ३ वटा कामहरु हुनेछन् । अनलाइन प्रणालीमा उपलब्ध भएका निवेदन तथा फारम भर्ने, कार्यालयमा पेश गरिने निवेदन तथा लिखतका लागि आवश्यक कागजातहरु प्रणालीमा अपलोड गर्ने र निवेदन तथा फारम भू–सूचना प्रणालीमा दर्ता गरी त्यस्ता निवेदन र फारम प्रिन्ट गरी सेवाग्राहीलाई उपलब्ध गराउने भू–सेवा केन्द्रको काम हो ।

यी हुन् घरजग्गा कारोबार गर्ने लाइसेन्स पाएका कम्पनी

३ करोड भन्दा माथिको वार्षिक कारोबार हुनेगरी घरजग्गा किनबेच गर्दा अनिवार्य रुपमा इजाजत लिनुपर्ने प्रावधान कार्यान्वयन गर्न विभागले दरखास्त आह्वान गरेको थियो । विभागका अनुसार लाइसेन्सको लागि १९८ कम्पनीले आवेदन दिएका थिए ।

विभागले उनीहरुको आवेदन अध्यययन गरेर पहिलो चरणमा ३६ वटा कम्पनीलाई लाइसेन्स दिएको छ ।

सूचीः

पहिलो चरणमा ११ वटा उपमहानगरपालिका र ६ वटा महानगरपालिका गरी १७ स्थानीय तहभित्रका २१ वटा मालपोत तथा भूमी सुधार कार्यालयबाट हुने घरजग्गा कारोबार लाइसेन्स प्राप्त कम्पनीमार्फत गराउने विभागको योजना छ । यो अभ्यास क्रमशः देशभरी लागू गर्दै जाने तयारीमा विभाग छ ।

spot_img

LEAVE A REPLY

Please enter your comment!
Please enter your name here

spot_img

- Advertisement -

spot_img
spot_img
spot_img

यी हुन् धेरै कर तिरेर सम्मान हुने १९ व्यक्ति तथा कम्पनी

सरकारले आर्थिक वर्ष २०८१/८२ मा धेरै कर तिर्ने कम्पनी...

सार्क चेम्बरको पर्यटन समिति संयोजकमा चन्द्र ढकाल चयन

सार्क चेम्बर अफ कमर्स एन्ड इन्डस्ट्रीको पर्यटन समितिको संयोजकमा...

मङ्सिर ५ र ६ मा नास-आईटी एक्स्पो हुँदै, स्वदेशी प्रविधि र स्टार्टअपलाई प्राथमिकता

नेपाल एसोसिएसन फर सफ्टवेयर एण्ड आईटी सर्भिसेस कम्पनीज (नास-आईटी)...

एभरेष्ट कलरको ३९ हजार कित्ता बढी शेयरको लकइन अवधि पुसमा सकिँदै

एभरेष्ट कलर लिमिटेडको सामूहिक लगानी कोषहरूको लागि छुट्टाईएको साधारण...

सबैभन्दा बढी कर तिर्ने बैंकका रूपमा नबिल नवौँ पटक सम्मानित

नबिल बैंक लिमिटेड आर्थिक वर्ष २०८१/८२ मा बैंकिङ क्षेत्रबाट...

दूरसञ्चार पूर्वाधारमा ४५ करोडको क्षति, तीन दिनमै ९० प्रतिशत सेवा पुनर्स्थापना

बाढीले टावर र फाइबर नेटवर्क बगाएपछि हेलिकप्टरबाट जेनेरेटर र...