आज मंगलबार सुनको भाउ किर्तीमानी उचाईमा पुगेको छ । सोमबार प्रतितोला २ लाख ७४ हजार ७ सय रुपैयाँमा कारोबार भएको छापावाल सुनको भाउ आज तोलामा १८ सय रुपैयाँले बढेर प्रतितोला २ लाख ७६ हजार ५ सय रुपैयाँ पुगेको हो ।
आज प्रति १० ग्राम छापावाल सुनको भाउ २ लाख ३७ हजार ५५ रुपैयाँ तोकिएको छ । नेपाली बजारमा आज तोकिएको सुनको भाउ हालसम्मकै उच्च हो ।
आज चाँदीको भाउ पनि तोलामा एकैदिन १४५ रुपैयाँले बढेर प्रतितोला ५ हजार ३ सय ४० रुपैयाँ पुगेको छ । आज १० ग्राम चाँदीको भाउ ४ हजार ५ सय ७८ रुपैयाँ तोकिएको छ । नपाली बजारमा आज कायम भएको चाँदीको भाउ पनि हालसम्मकै उच्च हो ।
