उद्योग वाणिज्य संघ काठमाडौँमा सर्वसम्मत रुपमा पदाधिकारी चयन भएका छन् । शनिबार हुने साधारणसभाका लागि बुधबार भएको मनोनयनमा पदाधिकारी सर्वसम्मतिले चयन भएका हुन् ।
जस अनुसार अध्यक्षमा रमानाथ श्रेष्ठ, उपाध्यक्ष ३ जनामा दुर्गाराज श्रेष्ठ, राजेन्द्र शेरचन र उज्वलजंग शाह सर्वसम्मत भएका छन् । यस्तै, महासचिवमा प्रेमहरि मैनाली र सचिवमा सागर शाक्य पनि निर्विरोध भएका छन् ।
कोषाध्यक्षमा प्रदीपमान प्रधान र सह–कोषाध्यक्षमा सुरेन्द्र भक्त श्रेष्ठ निर्विरोध भएका छन् ।
हालका अध्यक्ष दिनेश श्रेष्ठले अब औपचारिक रुपमा शनिबार नयाँ कार्यसमितिलाई जिम्मेवारी हस्तान्तरण गर्नेछन् ।
