एलन मस्कको कम्पनी स्पेसएक्स (SpaceX) ले इतिहासकै सबैभन्दा ठूलो आईपीओ ल्याउने तयारी गरेको छ। कम्पनीले जुन १२, २०२६ मा नास्डाकमा सूचीकृत हुने लक्ष्य राखेको छ र सिम्बल SPCX हुनेछ।
आईपीओको आकार लगभग ७५ अर्ब डलर (११५ खर्ब नेपाली रुपैयाँ बराबर) को हुने अनुमान गरिएको छ। यो रकमले साउदी अराम्कोको २९ बिलियन डलरको रेकर्ड तोड्ने छ, जुन अहिलेसम्मको विश्वकै ठूलो आईपीओ हो। कम्पनीको कुल मूल्यांकन १.७५ ट्रिलियन डलरसम्म पुग्ने अनुमान। यो मूल्यांकनले स्पेसएक्सलाई विश्वका सबैभन्दा मूल्यवान कम्पनीमध्ये एक बनाउनेछ।
स्पेसएक्सले आईपीओबाट उठेको रकम स्टारशिप (Starship) रकेटको विकास र मंगल मिशनलाई तीव्रता दिन, अहिले १ करोडभन्दा बढी ग्राहक रहेका स्टारलिङ्क (Starlink) स्याटेलाइट इन्टरनेट सेवाको विस्तार गर्न र एआई (Artificial Intelligence) र डाटा सेन्टर प्रोजेक्टहरूमा लगानीको योजना बनाएको छ। नयाँ रकेट प्रक्षेपण, स्पेस टुरिज्म र दीर्घकालीन मंगल बसोबास योजनाहरूको लागि पनि केही रकम खर्च हुने छ।
स्पेसएक्सले अप्रिल १, २०२६ मा गोप्य रूपमा आईपीओको लागि आवेदन दिएको थियो र मे २० मा सार्वजनिक फाइलिङ गरेको छ। एलन मस्कले बहुमत भोटिङ कन्ट्रोल कायम राख्न सुपर-भोटिङ शेयरहरू राख्ने योजना बनाएका छन्।
कम्पनीको हालको मुख्य व्यवसाय स्टारलिङ्कले राम्रो नाफा कमाइरहेको छ भने एआई क्षेत्रमा ठूलो लगानीका कारण घाटा छ। यो आईपीओले सामान्य लगानीकर्तालाई पनि स्पेस एक्सप्लोरेसन, स्याटेलाइट इन्टरनेट र स्पेस टेक्नोलोजीमा लगानी गर्ने मौका दिनेछ।
