दशैं, तिहार र छठ पर्वलाई लक्षित गरी सुपथ मूल्य पसल सञ्चालनमा आएका छन् । साल्ट ट्रेडिङ कर्पोरेशन र खाद्य व्यवस्था तथा ब्यापार कम्पनीले सुपथ मूल्य सञ्चालन गरिरहेका छन् ।
खाद्यले साउन २८ गते आफ्नो वार्षिकोत्सवकै अवसरदेखि सुपथ पसल सुरु गरिसकेको छ । काठमाडौँमा मात्रै ५ वटा सुपथ पसल सञ्चालन गरिएको खाद्यले जनाएको छ । रामशाहपथ, सिंहदरबार, थापाथली, दक्षिणकाली र नख्खुमा खाद्यले सुपथ मूल्य पुल सञ्चालन गरिरहेको छ ।
खाद्यका सुपथ मूल्य पसलमा उसले आफ्नै ब्राण्डमा बिक्री गर्दै आएका सबै वस्तुमा प्रतिकिलोग्राम ५ रुपैयाँ छुट दिएको छ । खाद्यले ‘नेपाल फूड’ भनेर ३५० भन्दा उत्पादन बिक्री गर्दै आएको छ ।
यस्तै, साल्ट ट्रेडिङ कर्पोरेसनले पनि नुनदेखि चिनी सम्ममा छुट दिएर सुपथ पसल सुरु गरेको छ । नुनमा प्रतिकिलो २ रुपैयाँ, चिनीमा प्रतिकिलो ५ रुपैयाँ छुट दिइएको छ । छुटपछि चिनीको मूल्य प्रतिकिलो १ सय रुपैयाँ कायम छ ।
दाल, तेल, चिउरा, मैदामा साल्ट ट्रेडिङले प्रतिकिलो ७ रुपैयाँ छुट दिएको छ । गेडागुडीमा प्रतिकिलो ५ रुपैयाँ र चामलमा प्रतिबोरा ५० रुपैयाँसम्म छुट दिइएको छ ।
