हिमालयन डिस्टिलरी लिमिटेडले चालु आर्थिक वर्ष २०८२/८३ को पहिलो त्रैमासको अपरिस्कृत वित्तीय विवरण प्रकाशन गरेको छ। प्रकाशित विवरण अनुसार यस अवधिमा कम्पनीले ९ करोड २ लाख रुपैयाँ खुद नाफा कमाएको छ।
अघिल्लो आर्थिक वर्षको यसै अवधिको तुलनामा कम्पनीको खुद नाफा ५४.६१ प्रतिशतले घटेको छ। अघिल्लो आर्थिक वर्षको पहिलो त्रैमासमा कम्पनीले १९ करोड ८८ लाख खुद नाफा कमाएको थियो।
समीक्षा अवधिमा कम्पनीको बिक्री आम्दानी २७.६४ प्रतिशतले घटेर १ अर्ब ७ करोडमा सिमित भएको छ। कम्पनीको संचालन नाफा ५२.४७ प्रतिशतले घटेर १२ करोड ५७ लाखमा सिमित भएको छ । बिक्री आम्दानी घट्दा कम्पनीको नाफा घटेको देखिन्छ।
३ अर्ब ७ करोड चुक्ता पुँजी रहेको कम्पनीको जगेडा कोषमा १ अर्ब १८ करोड रुपैयाँ रहेको छ। यस अवधिमा कम्पनी प्रति शेयर आम्दानी ११.७५ रुपैयाँ रहेको छ भने प्रति शेयर नेटवर्थ १३८.४० रुपैयाँ रहेको छ।
