पशुपति रिन्यूएबल्स लिमिटेडले आईपीओ निष्काशनको अनुमति माग गर्दै नेपाल धितोपत्र बोर्डमा आवेदन दिएको छ । कम्पनीले चैत्र १६ गते आवेदन दिएको हो।
कम्पनीले १४ करोड ४० लाख रुपैयाँ बराबरको १४ लाख ४० हजार कित्ता शेयर निष्काशनको लागि अनुमति माग गरेको हो। शेयर निष्काशनको लागि एनएमबि क्यापिटल बिक्री प्रबन्धक रहेको छ।
यस कम्पनीका अध्यक्ष डा. सन्दिप शाह हुन्। कम्पनीले कपिलवस्तुमा १० मेगावाट क्षमताको धरमनगर सोलार आयोजना १ र १५ मेगावाट क्षमताको धरमनगर सोलार फार्म २ गरि कुल २५ मेगावाट क्षमताको सोलार आयोजना निर्माण सम्पन्न गरि २०८२ जेठदेखि विद्युत उत्पादन गरिरहेको छ ।
यस कम्पनीमा नेपाल इन्फ्रास्ट्रक्चर्स इन्भेष्टमेन्ट फण्डले पनि लगानी गरेको छ ।
