एक वर्षमा १२ लाख विदेशी पर्यटकले नेपाल भ्रमण गरेका छन् । नेपाल पर्यटन बोर्डले आर्थिक वर्ष २०८२÷०८३ मा नेपाल आएका पर्यटकको तथ्यांक सार्वजनिक गरेको हो ।
जस अनुसार गत आर्थिक वर्षमा १२ लाख ९ हजार ३५७ विदेशी पर्यटकले नेपाल भ्रमण गरेका छन् ।
यीमध्ये भारतबाट सबैभन्दा धेरै पर्यटक आएका छन् । भारतबाट ३ लाख ११ हजार ५३१ पर्यटक नेपाल आएको बोर्डको तथ्यांक छ । कुल पर्यटक आगमनमा भारतीय पर्यटकको हिस्सा २५.७६ प्रतिशत रहेको छ ।
अमेरिकाबाट १ लाख ११ हजार ३२५ जना, चीनबाट १ लाख ९ हजार ८९२ जना र बंगलादेशबाट ५८ हजार १६३ जना पर्यटक नेपाल आएका छन् ।
बेलायतबाट ५६ हजार ६४९ जना, अष्ट्रेलियाबाट ५३ हजार १९५ जना, श्रीलंकाबाट ४३ हजार २११ जना, भुटानबाट ३६ हजार २८९ जना, म्यानमारबाट ३० हजार ७३७ जना, जर्मनीबाट २९ हजार ,२९६ जना, थाइल्यान्डबाट २७ हजार २०१ जना, जापानबाट २५ हजार ७६२ जना र मलेसियाबाट २५ हजार ६४० जना पर्यटक नेपाल आएका छन् ।
