अर्थमन्त्री डा. स्वर्णिम वाग्लेले उद्योगी व्यवसायीहरुसँग भेट गर्न लागेका छन् । मंगलबार अपरान्ह ३ बजे अर्थमन्त्रीले २५ जना हाराहारी उद्योगी व्यवसायीसँग भेट गर्न लागेका हुन् ।
यसअघि प्रधानमन्त्री बालेन्द्र शाहले निजी क्षेत्रका प्रतिनिधिहरुसँग तारन्तार भेट गरेका थिए । लगत्तै अर्थमन्त्री डा. वाग्लेले पनि भेट गर्न लागेका हुन् ।
अर्थमन्त्रीको सचिवालयका अनुसार उत्पादनमूलक उद्योग सञ्चालन गरिरहेका उद्योगीहरुसँग अर्थमन्त्रीले छलफल गर्न लागेका हुन् । झन्डै तीन दर्जन उद्योगपतिहरूसँग ‘बजेट कार्यान्वयन विशेष छलफल कार्यक्रम’ आयोजना हुन लागेको अर्थ मन्त्रीको सचिवालयले जनाएको छ ।
छलफलमा अर्थमन्त्री, अर्थसचिव डा. घनश्याम उपाध्याय, उद्योग, वाणिज्य तथा आपूर्ति सचिव नारायणप्रसाद दवाडी पनि सहभागी हुनेछन् ।
