सानिमा बैंक चालु आर्थिक वर्ष २०८२/८३ को चौथो त्रैमासको अपरिस्कृति वित्तीय विवरण प्रकाशन गर्ने पहिलो वाणिज्य बैंक बनेको छ। प्रकाशित वित्तीय विवरण अनुसार यस अवधिमा कम्पनीको खुद नाफा ३८.०१ प्रतिशतले बढेको छ।
चालु आर्थिक वर्षको चौथो त्रैमासमा कम्पनीले ३ अर्ब ५५ करोड रुपैयाँ खुद नाफा कमाएको छ। गत आर्थिक वर्षको सोही अवधिसम्ममा कम्पनीले २ अर्ब ५७ करोड रुपैयाँ खुद नाफा कमाएको थियो।
यस अवधिमा कम्पनीको खुद ब्याज आम्दानी ६ अर्ब ३५ करोडबाट बढेर ६ अर्ब ९९ करोड पुगेको छ। कम्पनीको संचालन आम्दानी ८ अर्ब ६० करोडबाट बढेर ९ अर्ब ७३ करोड पुगेको छ। कम्पनीको संचालन नाफा ३ अर्ब ५७ करोडबाट बढेर ५ अर्ब १६ करोड पुगेको छ । यस अवधिमा कम्पनीको वितरणयोग्य मुनाफा २ अर्ब ८३ करोड रहेको छ भने वितरणयोग्य प्रति शेयर नाफा २०.८७ रुपैयाँ रहेको छ ।
यस अवधिमा कम्पनी प्रति शेयर आम्दानी २५ रुपैयाँ ७५ पैसा रहेको छ भने प्रति शेयर नेटवर्थ १८८.४२ रुपैयाँ रहेको छ।
१५ अर्ब ५८ करोड चुक्ता पुँजी रहेको कम्पनीको रिजर्भमा रिजर्भमा १२ अर्ब रुपैयाँ रहेको छ। कम्पनीको खराब कर्जा ३.०१ प्रतिशतबाट घटेर २.८७ प्रतिशत रहेको छ।
