नेपाली कांग्रेसका सभापति गगन थापाले पदबाट राजीनामा दिएका छन् । उनले उपसभापति विश्व प्रकाश शर्मा समक्ष बुधबार राजीनामा दिएका हुन् ।
चुनावमा भएको आफ्नो र पार्टीको पराजयको नैतिक जिम्मेवारी लिँदै उनले राजीनामा दिएको बताईएको छ । चुनावमा दोस्रो भएको कांग्रेसले प्रत्यक्षमा १८ र समानुपातिकमा २० गरी ३८ सिट मात्रै प्राप्त गरेको छ। कांग्रेसबाट प्रधानमन्त्रीका उम्मेदवार रहेका थापा आफु स्वयं सर्लाही ४ बाट पराजित भएका थिए ।
उनको राजीनामबारे अब कांग्रेसको केन्द्रीय समिति बैठकमा छलफल हुने छ । केन्द्रीय समितिको बैठक शुक्रबार बोलाइएको छ । सो बैठकले उनको राजीनामा स्वीकृत गर्ने वा नगर्ने निर्णय गर्ने छ ।
गगन थापा नेपाली कांग्रेसको विशेष महाधिवेशबाट सभापति चयन भएका थिए ।
