Forthing प्रिमियम इलेक्ट्रिक गाडीको आधिकारिक विक्रेता लक्ष्मी ई-मोबिलिटी प्रा. लि. ले काठमाडौंको थापाथली (नेपाल राष्ट्र बैंकको पारी) मा २०८२ चैत ६ देखि ८ गतेसम्म “Forthing Exchange Fest” को घोषणा गरेको छ।
यो सीमित अवधिको एक्सचेन्ज फेस्टले ग्राहकहरूलाई आफ्नो पुरानो सवारी साधन अपग्रेड गरी Forthing Friday सँगै दिगो र प्रिमियम मोबिलिटीको भविष्यमा प्रवेश गर्ने विशेष अवसर प्रदान गर्ने कम्पनीले विश्वास लिएको छ ।
यस योजना अन्तर्गत ग्राहकहरूले कुल ७ लाख सम्मको बचत गर्न सक्नेछन् । जसमा एक्सचेन्ज बोनस, नगद छुट, बीमा जस्ता सुविधाहरु रहेका छन् । कम्पनीका अनुसार हालको सवारी साधनको प्रतिस्पर्धात्मक मूल्याङ्कन गरी नयाँ गाडीमा अपग्रेड गर्न सहज बनाउने गरी एक्सचेन्ज बोनस दिइनेछ ।
त्यसैगरी, नयाँ Forthing Friday को खरिदमा आकर्षक नगद छुट पनि उपलब्ध हुनेछ । १ वर्षको अटो प्लस बीमा, १ वर्षको सडक कर, निःशुल्क स्पेयर टायर र एसी चार्जर पनि उपलब्ध हुनेछ ।
“हाम्रो Forthing Exchange Fest केवल एउटा प्रवद्र्धनात्मक कार्यक्रम मात्र नभई ग्राहकहरूलाई प्रिमियम मोबिलिटीको भविष्य अँगाल्न दिइएको निमन्त्रणा हो । ७ लाखसम्मको बचत र बृहत् सुविधा प्याकेजका साथ हामी ग्राहकहरूलाई फोर्थिङ फ्राइडेमार्फत इलेक्ट्रिक क्रान्तिमा सहभागी हुन पहिलेभन्दा अझ सहज बनाउँदैछौँ” लक्ष्मी ई-मोबिलिटीले भनेको छ ।
फोर्थिङ, चीनको अग्रणी सरकारी अटो निर्माता कम्पनी Dongfeng Motor Group को सहायक कम्पनी Dongfeng Liuzhou Motor Co. Ltd. अन्तर्गतको प्यासेन्जर भेहिकल ब्रान्ड हो । लक्ष्मी ग्रुप अन्तर्गतको लक्ष्मी ई-मोबिलिटी प्रा. लि. नेपालका लागि फोर्थिङ फ्राइडे ईभीको आधिकारिक विक्रेता हो ।
