युनाइटेड अजोड इन्स्योरेन्सले चैत्र २६ गतेदेखि हकप्रद शेयर निष्काशन गर्ने भएको छ । कम्पनीले १००ः१० को अनुपातमा अर्थात् १० प्रतिशतले हुन आउने १०० रुपैयाँ अंकित दरका २३ लाख १० हजार कित्ता हकप्रद शेयर निष्काशन गर्न लागेको हो ।
यस हकप्रदमा वैशाख १६ गतेसम्म आवेदन दिन सकिने छ । हकप्रद निष्काशनको लागि लक्ष्मी सनराइज क्यापिटल बिक्री प्रबन्धक रहेको छ ।
कम्पनीले हकप्रद निष्काशनको लागि फागुन १७ गते बुक क्लोज गर्ने निर्णय गरेको थियो। फागुन १५ गतेसम्म कायम शेयरधनीले मात्र कम्पनीको हकप्रदमा आवेदन दिन सक्ने छन् ।
नेपाल धितोपत्र बोर्डले माघ २७ गते कम्पनीलाई हकप्रद निष्काशनको अनुमति दिएको थियो ।
