महासंघ निर्वाचनः सांघाईले अन्जन समर्थित टिम ‘हाइज्याक’ गरेको चर्चा, चुलियो असन्तुष्टि

spot_img
spot_img

नेपाल उद्योग वाणिज्य महासंघका पूर्व उपाध्यक्ष (गत निर्वाचनमा वरिष्ठ उपाध्यक्षमा पराजित भएका) रामचन्द्र सांघाईले ४ जना उपाध्यक्षका उम्मेदवारहरुलाई आफू नेतृत्वको टिम भन्दै महासंघका सदस्यहरुलाई ह्वाट्स एपमा म्यासेज पठाएपछि अहिले हङ्गामा मच्चिएको छ । जिल्ला नगर उपाध्यक्षका उम्मेदवार द्वय दिलसुन्दर श्रेष्ठ र कृष्ण प्रसाद शर्मा, वस्तुगत उपाध्यक्षका उम्मेदवार शिवप्रसाद घिमिरे र एसोसियट उपाध्यक्षका उम्मेदवार प्रबलजंग पाण्डेलाई सांघाईले आफू नेतृत्वको टिमका उम्मेदवार भन्दै आन्तरिक प्रचार थालेपछि टिममै असन्तुष्टि देखिएको छ ।

हालका वरिष्ठ उपाध्यक्ष अन्जन श्रेष्ठ (भावी अध्यक्ष)ले समर्थन गरेको टिमलाई सांघाईले आफ्नो टिम भनेर प्रचारबाजी गराएको भन्दै अहिले जिल्ला नगरका दुइ उपाध्यक्षका उम्मेदवारहरुले चर्को असन्तुष्टि जनाइरहेका छन् । ‘एक त हामीले अहिले नै वरिष्ठ उपाध्यक्षको उम्मेदवार प्रस्ताव गरेर चुनावमा नजाने सहमति गरेका छौँ’ उपाध्यक्षका उम्मेदवार दिलसुन्दर श्रेष्ठले भने, ‘अर्को कुरा हामीले अहिलेसम्म जतिपनि जिल्लाको भ्रमण गरेका छौँ, हामीले आफ्नो उम्मेदवारी रहने कुरा भन्दै आएका छौँ । तर, एकाएक हाम्रो समेत फोटो राखेर रामचन्द्र सांघाईको टिम भनेर समाचार आएपछि हामी अचम्ममा परेका छौँ ।’

उनले रामचन्द्र सांघाईलाई आइतबार बेलुका भेटेरै यो खालको प्रचारबाजी नगर्न र फिर्ता लिन अनुरोध गरिने पनि बताए । ‘रामचन्द्र सांघाई हाम्रो उम्मेदवार होइनन्’ उनले स्पष्ट पारे ।

उपाध्यक्षका अर्का उम्मेदवार कृष्ण शर्माले पनि रामचन्द्र सांघाईलाई आफूहरुको कुनै समर्थन नरहेको प्रष्ट पारेका छन् । ‘म डडेलधुरामा हुँदा न्यूज आयो, बिना कुनै सल्लाह र हाम्रो समर्थन बिना हामी समेतलाई मेरो टिम भनेर उहाँले प्रचार गरेपछि हामी बाँकी जिल्ला (जाजरकोट लगायत)को भ्रमण स्थगित गरेर फर्कियौँ’ उनले भने, ‘अब रामचन्द्र सांघाईसँग बसेर विषय प्रष्ट पार्न भन्छौँ । उहाँले यो खालको अनर्गल प्रचारबाजी रोक्नुपर्छ ।’

के भन्छन् सुरकृष्ण वैद्य ?

हालका उपाध्यक्ष सुरकृष्ण वैद्य महासंघको आगामी निर्वाचनमा वरिष्ठ उपाध्यक्षका दाबेदार छन् । उपाध्यक्षका उम्मेदवारहरु दिलसुन्दर श्रेष्ठ र कृष्ण प्रसाद शर्मालाई लिएर वैद्य भोट माग्न जिल्ला जिल्लामा पुगिरहेका छन् । यद्यपी, वरिष्ठ उपाध्यक्ष र महिला उपाध्यक्षको औपचारिक रुपमा उम्मेदवारी घोषणा नगर्ने उनीहरुको टिममा भद्र सहमति छ ।

तर, एकाएक श्रेष्ठ र शर्मासहित शिव घिमिरे र प्रबलजंग पाण्डेलाई समेत आफ्नो टिममा देखाउँदै सांघाईले प्रचार गरेपछि देशभरी नै अन्योलको अवस्था सिर्जना भएको छ । ‘न्यूज आएपछि सबैतिर खैलाबैला भएको छ’ वैद्य भन्छन्, ‘उहाँ (रामचन्द्र सांघाई)ले सबैलाई मेरो टिम यो हो भनेर म्यासेज नै पठाउनु भएछ । तर चारै जना उपाध्यक्षका उम्मेदवारहरु उहाँको टिममा हुनुहुन्न ।’

यसबारे बुझ्नका लागि सांघाईलाई पटकपटक सम्पर्क गर्दा पनि उनी सम्पर्कमा आएनन् ।

spot_img

LEAVE A REPLY

Please enter your comment!
Please enter your name here

spot_img

- Advertisement -

spot_img
spot_img
spot_img

‘इन्डिया–नेपाल बिजनेस राउन्डटेबल’मा भारतीय पक्षबाट राजनीति र निजी क्षेत्रको नेतृत्व सहभागी नहुने

प्रधानमन्त्री बालेन्द्र शाह आइतबार अपरान्ह भारत भ्रमणमा जाँदैछन् ।...

हप्ता दिनमै २६ हजार ३ सयले घट्यो सुनको भाउ

नेपाली बजारमा पछिल्ला दिनमा सुनको भाउ हरेक दिन घटिरहेको...

प्रधानमन्त्रीसँग भारत जाने उद्योगी व्यवसायीको सूची हेरफेर, को थपिए ? को हटाइए ? (नाम र तस्बिरसहित)

प्रधानमन्त्री बालेन्द्र शाहको भारत भ्रमणका क्रममा नेपालबाट जाने उद्योगी...

एमसीसी अन्तर्गतको न्यू बुटवल–न्यू दमौली प्रसारण लाइन निर्माण सुरु

एमसीए–नेपालले न्यू बुटवल सबस्टेशनदेखि न्यू दमौली सबस्टेशनसम्मको ४०० के.भी....

प्रधानमन्त्रीको भारत भ्रमणमा नेपाली पूँजी बजारको प्रतिनिधित्व गर्दै सागर ढकाल

प्रधानमन्त्री बालेन्द्र शाहको दुई दिने राजकीय भारत भ्रमणमा नेपालको...

प्रधानमन्त्रीको भारत भ्रमण नेपालको आर्थिक कुटनीति सुदृढ गर्ने अवसर बन्नुपर्छः मल्ल

नेपाल चेम्बर अफ कमर्सका निवर्तमान अध्यक्ष राजेन्द्र मल्लले प्रधानमन्त्री...