विश्व बजारमै किर्तीमानी उचाईमा पुगेको सुन र चाँदीको मूल्यमा एकाएक भारी गिरावट आएको छ । एक दिनमा २१६ डलरसम्म सुनको भाउ घटेको छ । यो भनेको ३० हजार भन्दा बढी नेपाली रुपैयाँ बराबर हो ।
यद्यपी, मूल्यमा तीव्र उतारचढाव भने देखिँदैछ ।
सुनको मूल्य प्रति औंस साढे ५ प्रतिशत हाराहारीले घटेर अहिले ४ हजार १०० सय अमेरिकी डलरमा झरेर अहिले भने पुनः उकालो लाग्न थालेको छ । एकाएक निरन्तर ओरालो लागेको सुनको मूल्य यो समाचार तयार पार्दासम्म भने केही उकालो लागेको देखिन्छ ।
सुनको तुलनामा चाँदीको मूल्यमा अझ बढी गिरावट देखिएको छ । चाँदीको मूल्य ८ प्रतिशत भन्दा बढीले घटेको छ । अन्तर्राष्ट्रिय बजारमा पछिल्लो २४ घण्टामा चाँदीको भाउ ४८ डलरप्रति औंसमा झरेको छ ।
यद्यपी, यो समाचार तयार पार्दासम्म भने चाँदीको भाउमा ०.६ प्रतिशतले वृद्धि भएको देखाएको छ ।
