शिवम् सिमेन्टका स्वतन्त्र सञ्चालक चन्द्र कुमार घिमिरेले राजीनामा दिएका छन् । घिमिरेले व्यक्तिगत कारण देखाई २०८१ असार १ गतेदेखि लागु हुने गरि राजीनामा दिएका हुन्। कम्पनीको असार ६ गते बसेको सञ्चालक समितिको बैठकले उनको राजीनामा स्वीकृत गरेको हो।
कम्पनीको २०८० साल पौष २७ गतेको साधारणसभाले घिमिरेलाई स्वतन्त्र सञ्चालक नियुक्त गरेको थियो ।
घिमिरेलाई नेपाल सरकारले राजदूत सिफारिस गरेपछि उनले राजीनामा दिएका हुन् । गत शुक्रबार बसेको मन्त्रिपरिषद्को बैठकले घिमिरेलाई अमेरिकाको लागि राजदूत सिफारिस गरेको हो । घिमिरे नेपाल सरकारका पूर्व सचिव समेत हुन् । उनी मुख्य सचिव हुने लाइनमा रहे पनि मुख्यसचिव भने हुन पाएनन् ।
