युनाइटेड अजोड इन्स्योरेन्सले निष्काशन गरेको हकप्रद बाँडफाँड भएको छ। बिक्री प्रबन्धक लक्ष्मी सनराइज क्यापिटलका अनुसार जेठ १९ गते शेयर बाँडफाँड भएको हो ।
कम्पनीले चैत्र २६ गतेदेखि वैशाख ३१ गतेसम्म १००ः१० को अनुपातमा अर्थात् १० प्रतिशतले हुन आउने १०० रुपैयाँ अंकित दरका २३ लाख १० हजार कित्ता हकप्रद शेयर निष्काशन गरेको थियो। क्यापिटलका अनुसार हकप्रदमा रितपूर्वक आवेदन दिने लगानीकर्तालाई २२ लाख ३९ हजार ५ सय २० कित्ता हकप्रद शेयर बाँडफाँड गरिएको छ । अब बिक्री नभएको ७० हजार ४ सय ८० कित्ता शेयर लिलाममा आउने छ।
नेपाल धितोपत्र बोर्डले माघ २७ गते कम्पनीलाई हकप्रद निष्काशनको अनुमति दिएको थियो ।
