पर्वत पैयु खोला हाईड्रोपावर आईपीओ निष्कासन गर्ने तयारी गरेको छ। कम्पनीको गत जेठ १० गते बसेको सञ्चालक समितिको बैठकले आईपीओ प्रस्ताव पारित गर्न विशेष साधारण सभा बोलाएको हो।
सभा आगामी असार ३ गते काठमाडौंस्थित टोखामा बिहान १० देखि शुरु हुनेछ । सभाले सर्वसाधारणलाई आईपीओ जारी गर्ने, कम्पनीको प्रबन्धपत्र तथा नियमावलीमा कुनै संशोधन गर्नुपरेमा वा प्रस्तावित संशोधनमा नियमनकारी निकायबाट कुनै फेरबदल वा सुझाव भएमा आवश्यक संशोधन गर्न सम्पूर्ण अख्तियारी सञ्चालक समितिलाई दिने विशेष प्रस्ताव पारित गर्ने छ ।
सभाले सञ्चालक समितिको तर्फबाट अध्यक्षद्वारा प्रस्तुत गरिने प्रस्ताव पारित गर्ने तथा कम्पनीको आयोजना,संरचना, बिक्री वा हस्तान्तरणका लागि आवश्यक प्रक्रिया पुरा गर्न गर्नुपर्ने सम्पूर्ण कार्यका लागि सञ्चालक समितिलाई अख्तियारी प्रदान गर्ने प्रस्ताव पारित गर्ने छ।
