आइतबार देखि मुक्तिनाथ कृषि कम्पनी र नेपाल वेयरहाउजिङ कम्पनीको शेयरमा लकइन अवधि सकिएसँगै कारोबार फुकुवा भएको छ ।
शुक्रबार र शनिबार ती दुई कम्पनीको म्युचुअल फण्डले होल्ड गरेको सेयरमा लकइन अवधि सकिएको हो । मुक्तिनाथ कृषि कम्पनीको थप ७० हजार कित्ता सेयर कारोबारका लागि फुकुवा भएको छ ।
वेयरहाउजिङको ६८ हजार ७५० कित्ता शेयर कारोबार फुकुवा भएको छ । ती दुई कम्पनीको कुल १ लाख ३८ हजार ७५० कित्ता सेयर कारोबार फुकुवा भएको हो ।
गत साताको अन्तिम कारोबार दिन बिहीबार बजार बन्द हुँदा मुक्तिनाथ कृषि कम्पनीको शेयरमूल्य प्रतिकित्ता ९६२.४० रुपैयाँ छ । त्यस्तै नेपाल वेयरहाउजिङको शेयरमूल्य ७८९.९० रुपैयाँ छ ।
