युनाइटेड अजोड इन्स्योरेन्सले विशेष साधारणसभा आह्वान गरेको छ । कम्पनीले जेठ ३१ गते विशेष साधारणसभा आह्वान गरेको हो ।
सभामा हकप्रद निष्काशन गर्ने विशेष प्रस्ताव पेश हुनेछन्। कम्पनी विशेष साधारणसभा प्रयोजनको लागि जेठ २५ गते बुक क्लोज गर्ने निर्णय गरेको छ ।
यस्ता छन् सभामा पेश हुने प्रस्तावहरु :
१. संचालक समितिले प्रस्ताव गरे बमोजिम हाल कायम रहेको कम्पनीको चुक्ता पूँजी रु. २,१०,००,००,०००/- (अक्षरेपी दुइ अर्व दश करोड) को १५% अर्थात प्रत्येक १०० कित्ता शेयर वरावर १५ कित्ताको दरले हकप्रद शेयर जारी गर्ने सम्बन्धी प्रस्ताव पारित गर्ने ।
२. हकप्रद शेयर जारी गरे पश्चात कम्पनीको चुक्ता पूँजी बृद्धि भई रु. २,४१,५०,००,०००/- (अक्षरेपी दुई अर्व एकचालिस करोड पचास लाख) पुग्ने हुँदा सोही बमोजिम कम्पनीको प्रबन्धपत्र र नियमावलीमा संशोधन गर्ने सम्बन्धी विशेष प्रस्ताव विशेष साधारण सभामा पेश गर्ने बारे ।
३. कम्पनीको संस्थापक शेयर तथा सर्वसाधारण शेयरको अनपात बमोजिम संचालक समिति गठन गर्ने तथा सोही बमोजिम कम्पनीको प्रबन्धपत्र र नियमावलीमा आवश्यक संशोधन गर्ने विशेष प्रस्ताव विशेष साधारण सभामा पेश गर्ने सम्बन्धमा ।
४. संशोधित प्रबन्धपत्र तथा नियमावली अभिलेखन गर्ने निकाय वा नियमनकारी निकायबाट कुनै फेरबदल गर्न निर्देशन प्राप्त हुन आएमा सो अनुसार गर्न संचालक समितिलाई अख्तियारी प्रदान गर्ने सम्बन्धी प्रस्ताव परित गर्ने ।
