ग्लोबल आईएमई क्यापिटलले साधारणसभा आह्वान गरेको छ। क्यापिटलले असोज १ गते होटेल ले हिमालयमा साधारणसभा आह्वान गरेको हो।
सभामा संचालक समितिको प्रतिवेदन पारित गर्ने, वित्तीय विवरण पारित गर्ने, लाभांश पारित गर्ने लगायतका प्रस्ताव पेश हुने छन् । क्यापिटलले आर्थिक वर्ष २०८१/८२ को मुनाफाबाट २० प्रतिशत नगद लाभांश वितरण गर्ने प्रस्ताव गरेको छ।
यस्ता छन् क्यापिटलको सभामा पेश हुने प्रस्तावहरु।
१) सञ्चालक समितिको तर्फबाट अध्यक्षले प्रस्तुत गर्ने कम्पनीको १८ औं वार्षिक प्रतिवेदन पारित गर्ने ।
२) लेखापरीक्षकको प्रतिवेदन सहितको आ.व. २०८१/०८२ को वित्तीय अवस्थाको विवरण ( वासलात), नाफा/ नोक्सान विवरण, अन्य विस्तृत आम्दानीको विवरण र नगद प्रवाह विवरण लगायत वित्तीय विवरण पारित गर्ने ।
३) सञ्चालक समितिले प्रस्ताव गरे बमोजिम आ.व. २०८१ / ०८२ को मुनाफाबाट चुक्ता पूँजीको २० प्रतिशत अर्थात रु.९,८७,८३,०००।०० (अक्षरेपी रु नौ करोड सतासी लाख त्रियासी हजार मात्र) ( कर सहित ) नगद लाभांश शेयरधनीहरुलाई वितरण गर्न स्वीकृति प्रदान गर्ने ।
४) कम्पनी ऐन, २०६३ को दफा १११(३) बमोजिम आ.व.२०८२/०८३ को लेखापरिक्षण कार्यको लागि बाहृय लेखापरीक्षक नियुक्ती गर्ने र निजको पारिश्रमिक निर्धारण गर्ने ।
५) सञ्चालक समितिको मिति २०८१ / ०९ / १६ गते बसेको १८३ औं बैठकबाट स्वतन्त्र सञ्चालकमा नियुक्त सञ्चालकको नियुक्ती अनुमोदन गर्ने ।
