२०२६ को फेब्रुअरीमा १ लाख ५ हजार भन्दा बढी विदेशी पर्यटक नेपाल आएका छन् । अध्यागमन विभागबाट लिएको तथ्यांक सार्वजनिक गर्दै नेपाल पर्यटन बोर्डले २०२६ को जनवरीमा १ लाख ५ हजार ४४१ पर्यटक नेपाल भित्रिएको जनाएको हो ।
पर्यटन बोर्डका अनुसार गत वर्षको फेब्रुअरीको तुलनामा यस वर्ष करिब ११ हजार बढी पर्यटक नेपाल आएका हुन् । फेब्रुअरी २०२५ मा ९६ हजार ८ सय ८० पर्यटक नेपाल आएका थिए ।
यसपालीको फेब्रुअरीमा भारतबाट सबैभन्दा धेरै २२ हजार ७४५ पर्यटक नेपाल आएका छन् । चीनबाट १० हजार ८१६ जना, अमेरिकाबाट ९ हजार ७१० जना, श्रीलंकाबाट ७ हजार ५१५ जना, म्यानमारबाट ६ हजार ३५ जना र बेलायतबाट ५ हजार ६१८ जना पर्यटक नेपाल आएका छन् ।
बंगलादेशबाट ३ हजार २१२ जना, मलेसियाबाट २ हजार १३७ जना र अस्ट्रेलियाबाट १ हजार ४२६ जना पर्यटक नेपाल आएका छन् ।
अघिल्लो महिना अर्थात् जनवरीमा ९२ हजार ५७३ जना पर्यटक भित्रिएका थिए ।
