आर्थिक वर्ष २०८२/८३ को ६ महिनासम्ममा शेयर धितो कर्जा बढेर डेढ खर्ब नाघेको छ। २०८२ पुस मसान्तसम्ममा शेयर धितो कर्जा बढेर १ खर्ब ५२ अर्ब ८२ करोड पुगेको हो । २०८१ पुसमा यस्तो कर्जा १ खर्ब १३ अर्ब ७७ करोड थियो। समीक्षा अवधिमा शेयर धितोकर्जा ३४.३२ प्रतिशतले बढेको छ ।
कुल शेयर धितो कर्जा मध्ये वाणिज्य बैंकको हिस्सा ८४.८५ प्रतिशत रहेको छ । यस अवधिसम्म वाणिज्य बैंकहरुले १ खर्ब २९ अर्ब ६८ करोड शेयर धितोकर्जा प्रवाह गरेका छन् । विकास बैंकले १९ अर्ब ८६ करोड शेयर धितो कर्जा दिएका छन् भने फाइनान्स कम्पनीले ३ अर्ब २७ करोड बराबरको शेयर धितोकर्जा दिएका छन् ।
वाणिज्य बैंकहरुले प्रवाह गरेको शेयर धितो कर्जामा नबिल बैंकले सबैभन्दा धेरै १६ अर्ब ७६ करोड शेयर धितोकर्जा प्रदान गरेको छ । त्यस्तै ग्लोबल आईएमई बैंकले १२ अर्ब ३० करोड तथा कुमारी बैंकले १० अर्ब ४३ करोड शेयर धितोकर्जा प्रवाह गरेको छ। स्ट्यान्डर्ड चार्टर्ड बैंकले भने शेयर धितोकर्जा प्रदान गर्ने गरेको छैन ।
हेर्नुस् २०८२ पुससम्म कुन वाणिज्य बैंकको शेयर धितो कर्जा कति ?
