नेपाल प्रहरीको केन्द्रीय अनुसन्धान व्युरो (सीआईबी) र नेपाल राष्ट्र बैंकको संयुक्त टोलीले प्रभु बैंकमा छापा मारेको छ ।
प्रभु समूहका अध्यक्ष देवीप्रसाद भट्टचन आर्थिक अपचलनको जाहेरीका आधारमा पक्राउ परेपछि आवश्यक अनुसन्धानका लागि शुक्रबार बेलुका बैंकमा छापा हानिएको सीआईबीले बताएको छ । अनुसन्धानका लागि आवश्यक कागजात नियन्त्रणमा लिइएको सीआईबी प्रमुख एआईजी डा. मनोजकुमार केसीले जानकारी दिएका छन् ।
‘अनुसन्धानका लागि आवश्यक फाइलहरु हामीले नियन्त्रणमा लिएका छौँ, राष्ट्र बैंक सँगको सहकार्यमा ती फाइलमाथि छानबिन सुरु भइसकेको छ’ उनले भने ।
९८ करोड रुपैयाँ ठगी गरेको भन्दै प्रभु म्यानेजमेन्टकी अध्यक्ष कुसुम लामाद्वारा दायर जाहेरीका आधारमा प्रभु समूहका अध्यक्ष भट्टचन कात्तिक ११ गते पक्राउ परेका थिए ।
