नेपाल लघुवित्त बैंकर्स संघले लघुवित्तले लिन पाउने कर्जाको ब्याजको क्यापलाई हटाएर त्यसलाई वैज्ञानिक बनाउन सुझाव दिएको छ । नेपाल व्यवस्थापन संघले मौद्रिक नीतिको लागि सुझाव संकलन गर्न आयोजना गरेको कार्यक्रममा लघुवित्त बैंकर्स संघले यस्तो सुझाव दिएको हो ।
संघका अध्यक्ष राम बहादुर यादवले अहिलेको क्यापलाई हटाएर लघुवित्तलाई पनि स्प्रेड रेट वा बेस रेट वा अन्य केहि वैज्ञानिक माध्यमबाट ब्याजदर तय गर्ने व्यस्था गरिदिन आग्रह गरेका हुन् । त्यस्तै उनले लघुवित्तलाई पनि निक्षेप संकलन दिन आग्रह गरेका छन् ।
साच्चै समस्यामा परेका ऋणीको हकमा ऋणको पुनर्संरचनाको समय थप गर्न पनि संघले आग्रह गरेको छ। साथै केहि समयको लागि एक व्यक्तिले २ वा तीन लघुवित्तबाट ऋण लिन सक्ने व्यवस्था गर्न आग्रह गरेको छ ।
