टाटा मोटर्सको नेपालका लागि आधिकारिक विक्रेता सिप्रदी ट्रेडिङले नयाँ पन्च ईभी भित्र्याएको छ । पन्चको नयाँ संस्करण सिप्रदीले नेपाल ल्याएको हो ।
यसअघि पनि सिप्रदीले नेपालमा पन्च ईभीलाई लोकप्रीय ब्राण्ड बनाएको थियो । अब झन ठूलो ब्याट्री प्याक र थप फिचर्ससहित भित्रिएकाले पन्चको यो संस्करणले पनि लोकप्रीयता हासिल गर्ने अपेक्षा गरिएको छ ।
नेपाल भित्रिएको नयाँ पन्च ईभीमा ३० किलोवाट आवर र ४० किलोवाट आवर गरी दुई ब्याट्री अप्सन छ । यसअघि नेपाल आएको पन्च ईभीमा २५ र ३५ किलोवाट आवरका ब्याट्री थिए ।
३० किलोवाट आवर ब्याट्री अप्सनको नयाँ पन्चले २८० किलोमिटरदेखि ३६५ किलोमिटरसम्म रेन्ज दिनेछ भने ४० किलोवाट आवरको ब्याट्री अप्सनमा आएको पन्च ईभीले ४६८ किलोमिटरसम्म रेन्ज दिने बताइएको छ ।
नयाँ पन्च ईभीमा ३ ड्राइभ मोड दिइएको छ । १९५ एम.एम. ग्राउन्ड क्लियरेन्स भएकाले यो कार सिटी एरियामा मात्रै नभई खाल्डाखुल्डी भएका सडकमा पनि गुडाउन सकिन्छ ।
यो कारलाई डीसी फास्ट चार्जरमार्फत २६ मिनेटमै २० प्रतिशतदेखि ८० प्रतिशतसम्म चार्ज गर्न सकिन्छ । यति मात्रै होइन, हतारमा हुँदा केवल १५ मिनेट मात्रै चार्ज गर्दा पनि १३५ किलोमिटरसम्म दौडिन सक्ने गरी ब्याट्री चार्ज हुने बताइएको छ ।
६ एयरब्याग, टायर प्रेसर मोनिटरिङर, ३६० डिग्री क्यामेरा जस्ता आधुनिक फिचरहरुसहित यसमा लाइफटाइम ब्याट्री वारेन्टी पाउन सकिन्छ ।
कम्पनीले यसका अरु विशेषता र मूल्य भने सार्वजनिक गरेको छैन । निकट भविष्यमै यो कार नेपालमा औपचारिक रुपमा लन्च हुनेछ भने त्यतिबेला नै यसका अरु फिचर्स र मूल्य पनि सार्वजनिक हुनेछ । साथै, कम्पनीले सुरुवाती बुकिङमा के कस्ता स्किम ल्याउनेछ, त्यो पनि अफिसियल लन्चकै बेला जानकारी गराइनेछ ।
