बर्डफ्लु रोग नियन्त्रणमा आएसँगै मासु र अण्डाको खपत बढ्न थालेको छ । नेपाल लेयर्स कुखुरापालक संघका अनुसार बर्डफ्लु नियन्त्रणमा आएसँगै खपत बढेको छ ।
खपत बढ्न थालेपछि संघले अण्डाको समर्थन मूल्य पनि बढाएको छ । अब सबैभन्दा ठूलो अण्डा (एक्सेल) प्रतिक्रेट ५४५ रुपैयाँ, ठूलो अण्डा प्रतिक्रेट ५३० रुपैयाँ, मिडियम साइजको अण्डा प्रतिक्रेट ५ सय रुपैयाँ र सानो साइजको अण्डा प्रतिपेटी )सात क्रेट) को मूल्य ३ हजार तोकिएको छ ।
अण्डासँगै कुखुराको मासुको मूल्य पनि बढेको छ । ठाउँ अनुसार फरक फरक दरले मासुको मूल्य बढेको छ । बर्डफ्लु संक्रमण सुरु हुनु अगाडि ब्रोइलरको जिउँदो कुखुरा प्रतिकिलो २६० रुपैयाँमा बिक्री हुँदै आएकोमा संक्रमण बढ्दा मूल्य घटेको थियो । अहिले बढेर प्रतिकिलो २१५ रुपैयाँ पुगेको छ ।
कुखुराका चल्लाको भाउ पनि बढ्न थालेको छ । ब्रोइलर चल्लाको मूल्य प्रतिगोटा ७० रुपैयाँ पुगेको छ । ह्याचरी उद्योग संघले लागत नै प्रतिगोटा ६५ रुपैयाँ पुगेकाले मूल्य प्रतिगोटा ७० कायम गरिएको जनाएको छ ।
बर्डफ्लु संक्रमण कारण देशभरी १० लाख लेयर्स कुखुरा मारिएको थियो । पशु सेवा विभागका अनुसार साउन १ गतेयता कतैपनि बर्डफ्लुको सङ्क्रमण देखिएको छैन ।
