सरकारले एकसाथ ९ वटा विधेयक संघीय संसदमा पेश गर्ने तयारी गरेको छ । आज बुधबार बसेको मन्त्रिपरिषद्को बैठकले ९ वटा विधेयकहरु संसदमा पेश गर्नको लागि स्वीकृति दिने निर्णय गरेको हो ।
यस्ता छन् संसदमा पेश गर्नको लागि स्वीकृत भएका विधेयक
१. संवैधानिक निकायका पदाधिकारीहरूको पारिश्रमिक सेवाको शर्त र सुविधासम्बन्धी ऐन–२०५३ लाई संशोधन गर्न बनेको विधेयक ।
२. खानी तथा खनिज पदार्थ सम्बन्धी कानुनलाई संशोधन र एकीकरण गर्न बनेको विधेयक ।
३. संक्रामक पशुरोग तथा नियन्त्रण सम्बन्धमा व्यवस्था गर्न बनेको विधेयक ।
४. राहदानी ऐन २०७६ लाई संशोधन गर्न बनेको विधेयक ।
५. मानव बेचबिखन तथा ओसारपसार नियन्त्रण, पहिलो संशोधन विधेयक ।
६. बालश्रम निषेध तथा नियमित गर्न बनेको सम्बन्धी विधेयक ।
७. आन्तरिक वायुसेवाको दायित्वसम्बन्धमा व्यवस्था गर्न बनेको विधेयक ।
८. मेलमिलापसम्बन्धी ऐन २०६८ लाई संशोधन गर्न बनेको विधेयक ।
९. कर्मचारी संचय कोष ऐन २०१९ लाई संशोधन गर्न बनेको विधेयक ।
