आइ.सि.एफ.सि. फाइनान्सका ग्राहकले जय नेपाल सिनेमा हलमा फिल्मको टिकट काट्दा कुल मूल्यमा १२ प्रतिशत छुट पाउने भएका छन् । डेबिट कार्डबाहक तथा मोबाइल बैंकिङ प्रयोगकर्ताहरुले बज इन्टरटेन्मेन्ट नाममा दर्ता भई सञ्चालित दरबारमार्गस्थित जय नेपाल सिनेमा हलमा उक्त छुट पाउने भएका हुन् ।
उक्त छुट सम्बन्धि सम्झौतामा आइ.सि.एफ.सि. फाइनान्सको तर्फबाट शाखा प्रबन्धक शैलेश कोइराला, बजार प्रमुख सन्जोग गुरुङ्ग, बजार प्रतिनिधि सरिना श्रेष्ठ र जय नेपाल सिनेमा हलको तर्फबाट प्रबन्ध निर्देशक रुपेश कुमार श्रेष्ठ र निर्देशक हरि कृष्ण लोहलाले हस्ताक्षर गरेका छन् ।
यो सम्झौताबाट चलचित्रप्रेमी ग्राहकहरुलाई लाभ पुग्ने विश्वास फाइनान्सले लिएको छ ।
