अमेरिकी सहयोग परियोजना मिलेनियम च्यालेन्ज कर्पोरेशन (एमसीसी)का सेक्टर अपरेशन प्रबन्ध निर्देशक केभिन मिचेल नेपाल भ्रमणमा आएका छन् । एक हप्ता नेपाल बस्ने गरि उनी एमसीए–नेपालको कार्य प्रगति बुझ्न आएको बताइएको छ ।
एमसीसी कम्प्याक्ट कार्यान्वयनमा भएको प्रगति बुझ्न र एमसीए–नेपाल र अन्य सरकारी अधिकारीहरुसँग भेट्न केभिन नेपालमा आएका हुन् ।
केभिन १५ वर्षदेखी एमसीसीमा कार्यरत छन् ।
एमसीसी अन्तर्गत अमेरिकी अनुदान सहयोगमा नेपालमा ५० करोड अमेरिकी डलर खर्चेर सडक र हाइ भोल्टेज प्रशारणलाइन बनाउन लागिएको छ ।
एमसीए नेपालले विद्युत् प्रसारण आयोजना अन्तर्गत ३ वटा सबस्टेसनसहित काठमाडौँको लप्सीफेदीदेखि नवलपरासी (बर्दघाट सुस्ता पश्चिम) स्थित नेपाल–भारत सीमासम्म ३१५ किलोमिटर लामो प्रशारण लाइन बनाउन आर्थिक सहयोग गर्दैछ । अहिले १८ किमी लामो सीमापार प्रसारण लाइन निर्माणका लागि आह्वान भएको बोलपत्रमा प्राप्त आवेदनहरुको मूल्यांकन भइरहेको छ ।
