दुबईको जमजम पर्फ्युम्स आधिकारिक रुपमा नेपाल भित्रिएको छ। जमजम पर्फ्युम्स नेपाल प्रालिले उक्त ब्रान्डलाई औपचारिक रूपमा नेपाली बजारमा भित्र्याएको हो।
शनिबार कम्पनीले काठमाडौंको सुन्धारास्थित सिभिल मलको पसल नम्बर १०१ मा आउटलेट उद्घाटन गर्न लागेको हो।जमजम पर्फ्युम्सले हाल साउदी अरब, पाकिस्तान, कुवेत र ओमानमा गरी २४ वटा आउटलेट सञ्चालन गरिरहेको जनाएको छ । काठमाडौंमा खुल्न लागेको आउटलेट कम्पनीको विश्वव्यापी सञ्जालअन्तर्गत २५औं शाखा हुनेछ ।
आउटलेट उद्घाटनको लागि जमजम ब्रदर्सका नामले सामाजिक सञ्जालमा चर्चित अब्दुल गफुर र मोहम्मद शकुर शुक्रबार काठमाडौं आइपुगेका छन्। आज उनीहरुसँग मिट एण्ड ग्रिट कार्यक्रम आयोजना गरिएको छ। उनीहरू क्रमशः बडे भाइ र छोटे भाइका नामले परिचित छन् ।
कम्पनीका अनुसार आधिकारिक आउटलेट सञ्चालनमा आएपछि नेपाली उपभोक्ताले दुबईका मौलिक तथा उच्च गुणस्तरीय पर्फ्युम भरपर्दो माध्यमबाट खरिद गर्न सक्नेछन् । जमजमका उत्पादन सिभिल मलस्थित आउटलेटसँगै माईपे र कम्पनीको आधिकारिक नेपाली वेबसाइटमार्फत पनि उपलब्ध हुनेछन् ।
