बैंकिङ क्षेत्रको लामो अनुभव भएका निरज शर्माले ईसेवाको प्रमुख कार्यकारी अधिकृत (सीईओ) को रुपमा कार्यभार सम्हालेका छन्। आज सोमबारदेखि ईसेवाको सीइओको रुपमा उनको कार्यकाल सुरु भएको हो ।
ईसेवाका अध्यक्ष परशुराम कुँवर क्षेत्रीले नव नियुक्त सीइओ शर्मालाई स्वागत गरेका हुन् । शर्मालाई स्वागत गर्दै अध्यक्षले क्षेत्रीले शर्माको नयाँ दृष्टिकोण र रणनीतिक सोचका साथ उनको नेतृत्वले आगामी यात्रामा नयाँ ऊर्जा, नवीनता (इनोभेसन) र वृद्धिलाई अगाडि बढाउने विश्वाश व्यक्त गरेका छन्।
ईसेवाका यस अघिका सीईओ जगदीश खड्काको ४ वर्षे कार्यकाल असोज ९ गते सकिएपछि आजदेखि शर्माले कार्यभार सम्हालेका हुन्। निरज शर्मासँग बैंकिङ र डिजिटल कारोबार क्षेत्रको लामो अनुभव छ । उनले नबिल बैंकमा चिफ बिजनेस अफिसरका रुपमा काम गरेका छन् ।
ईसेवाले पब्लिक लिमिटेड कम्पनीमा रूपान्तरण भई सर्वसाधारणका लागि सेयर निष्कासन गर्ने तयारी गरिरहेको छ ।
