नेपाल जन–प्रशासन संघले २०७९ सालको ‘हेमबहादुर मल्ल सम्मान’ डा. भेषबहादुर थापालाई प्रदान गरेको छ । साल्ट ट्रेडिङ्ग कर्पोरेशन लिमिटेडको सौजन्यमा साल्ट ट्रेडिङका संस्थापक प्रशासक स्व. हेमबहादुर मल्लको स्मृतिमा स्थापित ‘हेमबहादुर मल्ल सम्मान २०७९’ परराष्ट्रविद् डा. भेषबहादुर थापालाई प्रदान गरिएको हो ।
२ लाख नगद राशीको यो सम्मान वर्षेनी प्रदान गरिन्छ । २०औँ संस्करणको सम्मान डा. थापाले प्राप्त गरेका हुन् । उनलाई राष्ट्रपति रामचन्द्र पौडेलले दोसल्ला ओढाएर प्रमाणपत्र र नगदसहित सम्मान गरेका हुन् ।
यसपाली सम्मान छनौटका लागि नेपाल सरकारका पूर्व सचिव एवं पूर्व अर्थ मन्त्री शंकरप्रसाद कोईरालाको संयोजकत्वमा छनौट समिति गठन गरिएको थियो ।
