अर्थमन्त्री डा.स्वर्णिम वाग्लेले अब निजी क्षेत्रले घुस खुवाउन, कामकाजमा लाइन लाग्न र थुनिनु नपर्ने बताएका छन् ।
साेमबार नेपाल उद्योग वाणिज्य महासंघकाे प्रतिनिधीहरुसँगकाे भेटघाटमा उनले यस्तो बताएका हुन्।
मन्त्री वाग्लेले देश बनाउनको लागि लगानी बढाउन, र राेजगारी बढाउन निजी क्षेत्रलाई आग्रह गरे । उनले आफु घुस खान नआएको र कसैलाई पनि खुस लिन नदिने बताए । अर्थतन्त्रको जहाज माेडेर देशलाई नयाँ गतिमा लैजान अर्थमन्त्री बनेको उनले उल्लेख गरे।
मन्त्री वाग्लेले अब उद्योगी व्यापारी थुनिनु नपर्ने र आर्थिक बेईमानीमा आर्थिक जरिवानामा जाने बताए। उनले भने ‘निजी क्षेत्रले अब दुःख पाउँदैन, हामी तपाईंहरूकाे सहयात्री हाैँ । अब घुस खुवाउन पर्दैन,लाइन लाग्न पर्दैन, निजी क्षेत्रका मानिस थुनिनु पर्दैन । आर्थिक बेइमानीमा हामी अब आर्थिक जरीवानामा जान्छौं । उद्योगी व्यापारी थुनिनु पर्दैन ।’
राज्य साथी र सहयात्री बन्दा निजी क्षेत्रले पनि बेइमानी नगर्ने विश्वास उनले व्यक्त गरे। उनले भने ‘नियाेजित बेइमानी कसैले गर्छ भने त्यसमा हामी निर्मम छाैँ। ‘
