पूर्व प्रधानमन्त्री एवम् नेकपा एमालेका अध्यक्ष केपी शर्मा ओलीलाई रिहा गर्न माग गर्दै सर्वोच्च अदालतमा दायर भएको रिटको पेशी तोकिएको छ । उक्त रिट न्यायाधीश मेघराज पोखरेलको इजलाशमा परेको छ।
मेघराज पोखरेल २०८२ असारमा सर्वोच्चमा न्यायधीश नियुक्त भएका थिए । उनी नेपाली कांग्रेसको कोटाबाट न्यायाधीश सिफारिसमा परेका थिए। न्यायधीश सिफारिसमा पर्दा उनी सर्वोच्च बारका अध्यक्ष थिए। नेपाली काँग्रेस निकट वकिलहरूको संगठन डेमोक्र्याटिक लयर्स एशोसिएशन (डिएलए)बाट उनी सर्वोच्च बारको अध्यक्ष निर्वाचित भएका थिए ।
केपी ओलीलाइ प्रहरीले शनिवार बिहान पक्राउ गरेको थियो। ओलीलाई रिहा गर्न माग गर्दै उनकी पत्नी राधिका शाक्यले आइतबार सर्वोच्चमा बन्दी प्रत्यक्षीकरण रिट दर्ता गराएकी थिइन् । हिजो आइतबार नै काठमाडौँ जिल्ला अदालतले ओलीलाई ५ दिन थुनामा राखेर अनुसन्धान गर्न अनुमति दिईसकेको छ।
