नागढुङ्गा–सिस्नेखोला सुरुङमार्ग सञ्चालनका लागि आयोजनाले कम्पनी छनोट गरेको छ । आयोजनाले सोमबार एक सूचना जारी गर्दै सबैभन्दा कम रकम प्रस्ताव गरेको चिनियाँ कम्पनी चोङकिङ युसिन रोड एण्ड ब्रिज डेभलपमेन्ट कम्पनी र एआरटी कन्स्ट्रक्सन (युसिन–एआरटी) जेभीलाई सुरुङमार्ग सञ्चालनको ठेक्का दिइएको जनाएको छ ।
आयोजनाले ५ वर्षका लागि १ अर्ब १० करोड ४० लाख रुपैयाँमा उक्त जेभीलाई ठेक्का दिएको हो । आयोजनाले कम्पनीलाई ठेक्का सम्झौताका लागि एक हप्ताभित्र उपस्थित हुन भनेको छ ।
कम्पनीले २.६५ किलोमिटर लामो सुरुङमार्ग ५ वर्षसम्म सञ्चालन र व्यवस्थापनका लागि १ अर्ब ८४ करोड रुपैयाँ लागत अनुमानसहित आयोजनाले प्रस्ताव आह्वान गरेकोमा ठेक्का पाएको कम्पनीले अनुमानित लागतभन्दा ४० प्रतिशत सस्तोमा काम गर्ने गरी आर्थिक प्रस्ताव पेश गरेको थियो ।
