लुम्बिनी प्रदेशसभा सदस्य रेखा शर्मालाई प्रहरीले पक्राउ गरेको छ । काठमाडौँ उपत्यका अपराध अनुसन्धानको टोलीले उनलाई आइतबार राती करिब ११ बजे पक्राउ गरेको हो ।
धुम्बराहीस्थित घरबाटै उनलाई प्रहरीले पक्राउ गरेको हो। उनीमाथि एक बालिकालाई घरमा राखेर बालश्रम गराएको आरोप लागेको छ । केही वर्ष पहिला उनको घरबाट एक बालिकालाई काठमाडौं महानगरपालिले उद्धार गरेको थियो ।
तर त्यस समय जिल्ला सरकारी वकिल कार्यालयले उनी विरुद्द मुद्दा नचलाउने निर्णय गरेको थियो । मुद्दा नचलाउने निर्णय भएपछि त्यसबेलाका काठमाडौँका मेयर वालेन्द्र शाहले फेसबुकमा लेखेका थिए ‘सरी नानु, तिम्रा पिडककाविरूद्धमा मुद्दा नचल्ने बनाएछ सरकारले । नआत्तिनु । समय आउँनेछ । यस्तै विभेद, अपराध मास्न अनि ति कुकर्म गर्नेहरूलाई तहलगाउन तिमी र तिमी जस्तै धेरै नानीबाबुले पढ्न पर्छ । समाज बुझ्न पर्छ ।’
हाल सरकार परिवर्तन भएसंगै उनी पक्राउ परेकी हुन् । उनीमाथि नाबालिकालाई घरेलु कामदारका रूपमा राखेर बालबालिकाविरूद्धको कसुर गरेको आरोप लगाइएको छ ।
उनी एमालेको तर्फबाट प्रदेश सांसद थिइन् ।
