पूर्वमन्त्री दीपक खड्का पक्राउ परेका छन् । उनलाई आज आइतबार बिहान नेपाल प्रहरीको केन्द्रीय अनुसन्धान ब्यूरो (सीआईबी)ले पक्राउ गरेको हो ।
नेपाली कांग्रेसका नेता रहेका उनी पूर्व उर्जा जलस्रोत तथा सिचाई मन्त्री हुन् ।
भदौ २४ मा उनको निवासमा आगजनी हुँदा नेपालीसहित कैयौँ विदेशी मुद्रा फेला पारेको थियो । यसै विषयमा आधारित रहेको सीआईबीले अनुसन्धान गरिरहेको र थप अनुसन्धानको लागि उनलाई पक्राउ गरिएको बताईएको छ ।
सम्पत्ति शुद्धीकरण अनुसन्धान विभागले खड्कामाथि अनुसन्धान गर्न प्रहरी प्रधान कार्यालयमा पत्र पठाएको थियो । उनले सम्पत्ति शुद्धीकरण गरेको आशंका छ।
