प्रधानमन्त्री केपी शर्मा ओलीले प्रतिनिधिसभाबाट विश्वासको मत प्राप्त गरेका छन् ।
प्रधानमन्त्री ओलीले विश्वासको मत पाउँ भनि राखेको प्रस्तावको पक्षमा १८८ मत आएको छ भने विपक्षमा ७४ मत आएको छ । त्यस्तै तटस्थमा १ मत परेको छ । आज संसदमा २६३ जना सांसद उपस्थित थिए ।
२७५ सदस्यीय प्रतिनिधिसभामा विश्वास प्राप्त गर्नका लागि १३८ मत चाहिन्छ । प्रधानमन्त्री ओलीले दुइ तिहाइ मत पाएका हुन् ।
ओलीलाई राष्ट्रपनि रामचन्द्र पौडेलले संविधानको धारा ७६(२) अनुसार असार ३० गते प्रधानमन्त्रीमा नियुक्त गरेका थिए । संविधानको धारा ७६(२) अनुसार बनेको गठबन्धन सरकारका प्रधानमन्त्रीले नियुक्त भएको ३० दिनभित्र प्रतिनिधिसभाबाट विश्वासको मत लिनुपर्ने संवैधानिक प्रावधान छ ।
