नेकपा एमालेका अध्यक्ष केपी शर्मा ओली चौथो पकट प्रधानमन्त्रीमा नियुक्त भएसँगै उनी सबैभन्दा धेरै पटक प्रधानमन्त्री बन्ने कम्युनिष्ट प्रधानमन्त्री बनेका छन् ।
हालसम्म ६ जना कम्युनिष्ट नेता ११ पटक प्रधानमन्त्री भएका छन् । सबैभन्दा बढी अर्थात् चार पटक प्रधानमन्त्री बन्ने कम्युनिष्ट नेताको रेकर्ड ओलीले बनाएका छन् । दोस्रोमा पुष्पकमल दाहाल प्रचण्ड छन् । उनी तीन पटक प्रधानमन्त्री बनेका छन् ।
पहिलो कम्युनिष्ट प्रधानमन्त्री मनमोहन अधिकारी हुन् । उनी २०५१ मा प्रधानमन्त्री भएका थिए । अधिकारीको २०५६ सालमा ७८ वर्षको उमेरमा निधन भइसकेको छ। अहिले चौथो पटक प्रधानमन्त्री बनेका ओली अधिकारी नेतृत्वको उक्त सरकारमा गृहमन्त्री थिए ।
प्रधानमन्त्री हुने कम्युनिष्ट नेतामा माधबकुमार नेपाल, बाबुराम भट्टराई र झलनाथ खनाल छन् ।
