नारायणगढ–मुग्लिन सडकखण्डको तुइन खोलामा खसेको पहिरोका कारण सडक अवरुद्द भएको छ । शुक्रबार साँझ ६ बजेदेखि खसेको खुक्खा पहिरोले अहिले १०० मिटर सडक पुरेको छ ।
शनिबार बिहानैदेखि सडक खुलाउने प्रयास भइरहे पनि निरन्तर पहिरो खसिरहेकोले हटाउन असम्भव भएको प्रहरीले जनाएको छ । पहिरो हटाउन असम्भव भएपछि जिल्ला ट्राफिक प्रहरी कार्यालय चितवनले यात्रुहरुलाई वैकल्पिक सडक प्रयोग गर्न आग्रह गरेको छ ।
सडक अवरुद्ध हुँदा सवारी साधन र यात्रुहरु अलपत्र परेका छन् ।
