जेनजी पुस्ताको आन्दोलनमा मृत्यु भएकाहरुलाई सरकारले शहीद घोषणा गरेको छ । मृत्यु भएका व्यक्तिका प्रत्येक परिवारलाई १० लाख रुपैयाँको दरले राहत दिने निर्णय पनि गरेको छ ।
मुख्य सचिव एकनारायण अर्यालका अनुसार आज पदभार ग्रहण गरेकी प्रधानमन्त्री सुशीला कार्कीले यो निर्णयमा हस्ताक्षर गरेकी हुन् ।
आन्दोलनमा प्रदर्शनकारी ५९ जना, कैदीबन्दी १० जना र सुरक्षाकर्मी ३ जना गरी ७२ जनाको ज्यान गएको छ । १३४ जना प्रदर्शनकारी र ५७ जना प्रहरी घाइते भएका छन् ।
