महालेखापरीक्षकको कार्यालयले लेखापरीक्षण सल्लाहकार समिति गठन गरेको छ। कार्यालयले असार ११ गते महालेखापरीक्षक तोयम रायाको संयोजकत्वमा २० सदस्यीय सल्लाहकार समिति गठन गरेको हो ।
महालेखापरीक्षकको कार्यालयको कामकारबाहीलाई अझ व्यवस्थित गर्न लेखापरीक्षणमा गुणस्तरीयता र विश्वसनीयता अभिवृद्धि गरी लेखापरीक्षणको प्रभावकारिता बढाउन सल्लाहकार समिति गठन गरिएको कार्यालयले जनाएको छ।
सल्लाहकार समितिको सदस्यहरुमा लीलामणि पौड्याल, कृष्णहरि बास्कोटा, बच्चुराम दाहाल, रामेश्वर खनाल, मधुरमण आचार्य, किशोर थापा, रामुप्रसाद डोटेल, रमेश बडाल, झविन्द्र घिमिरे , राजिव गौतम, जीवनप्रभा लामा, तीर्थ कोइराला, संजिव गौतम, तथा प्रदिप कुमार श्रेष्ठ रहेका छन् ।
त्यस्तै सल्लाहकार समितिको आन्तरिक सदस्यमा उपमहालेखापरीक्षक बामदेव शर्मा अधिकारी, उपमहालेखापरीक्षक विन्दु विष्ट, उपमहालेखापरीक्षक पदमराज पौडेल, तथा उपमहालेखापरीक्षक बैकुण्ठ बहादुर अधिकारी रहेका छन् । सल्लाहकार समितिको सदस्य सचिवमा नायव महालेखापरीक्षक श्रीकुमार राई रहेका छन् ।
