अर्जेन्टिना फिफा विश्व कप २०२६ का लागि छनोट भएको छ । दक्षिण अमेरिकी महादेशीय छनोट खेलमा पेरुलाई पराजित गरेसँगै अर्जेन्टिना फिफा विश्वकप २०२६ का लागि छनोट भएको हो ।
लियोनल मेसीको कप्तानीमा रहेको अर्जेन्टिनाले बुधबार पेरुलाई १–० ले पराजित गरेको हो । यससँगै साविक विजेता अर्जेन्टिनाले सन् २०२६ को विश्वकपमा स्थान पक्का गरेको हो ।
यो जितपछि अर्जेन्टिनाको १२ खेलबाट २५ अंक पुगेको छ । विश्वकपमा दक्षिण अमेरिकाबाट ६ राष्ट्र छनोट हुनेछन् । कुल १० देशले छनोट खेल्दा शीर्ष ६ टिम विश्वकपमा छनोट हुनेछन् । बुधबारको खेल पश्चात अर्जेन्टिनाले प्राप्त गरेको अंकका आधारमा अब अर्जेन्टिना कम्तिमा छैटौं स्थानमा रहने पक्का भएको हो ।
पेरुलाई पराजित गर्ने क्रममा अजेन्टिनाका लागि लौटरो मार्टिनेजले गोल गरे । खेलको ५५औं मिनेटमा कप्तान मेस्सीको पासमा मार्टिनेजले गरेको गोल नै निर्णायक भयो ।
पेरु १२ खेलमा ७ अंकका साथ तालिकाको पुछारमा रहेको छ ।
