मंगलबारबाट काठमाडौँमा छाप नलगाइएको मासु बेच्न बन्देज

spot_img
spot_img

‘पशु वधशाला तथा मासु जाँच ऐन २०५५’ मंगलबारबाट कार्यान्वयनमा आउँदैछ । गत भदौ १ गते नै राजपत्रमा सूचना सार्वजनिक गरेर सरकारले मासु जाँच ऐनलाई तीन चरणमा कार्यान्वयन गर्ने घोषणा गरिसकेको छ । यस अन्तर्गत पहिलो चरणमा मंसिर १ गते मंगलबारबाट काठमाडौँ उपत्यकामा यो ऐन लागू हुँदैछ ।

मानव स्वास्थ्यसँग जोडिएको विषयमा बनेको कानूनन २८ वर्षसम्म कार्यान्वयन हुन सकेको थिएन । अब भने यो ऐन कार्यान्वयनका लागि सरकारले आवश्यक जनशक्ति खटाउने सम्मको काम गरिसकेको छ ।

के छ ऐनमा ?
मासु सेवन गर्दा गुणस्तरीय वा खानका लागि योग्य नभए त्यसबाट मानिसमा विभिन्न संक्रमणको जोखिम रहने डर हुन्छ । सडकका किनार, नदी तथा खोला आसपास, फोहोरमैला फालिने ठाउँ नजिक पशु बध गर्ने र त्यसरी तयार पारिएको मासु बिना कुनै परीक्षण बजारमा पठाइँदा मानिसमा संक्रमणको जोखिम उच्च हुने डर रहन्छ ।

अब यस्तो जोखिम न्यूनीकरण गर्न २८ वर्षअघि बनेको ऐन कडाइसाथ लागु गर्न खोजिएको कृषि, वन तथा पर्यावरणमन्त्री गीता चौधरीले बताएकी छिन् । उनका अब पशु चिकित्सक तथा मासु निरीक्षकबाट खानयोग्य भनेर प्रमाणित गरिएको मासु मात्रै बजारमा पठाइनेछ ।

यति मात्रै होइन, खटिएका पशु चिकित्सक तथा मासु निरीक्षकले वध गर्नुअघि पशु स्वस्थ छ कि छैन भनेर पनि परीक्षण गर्नेछन् । अस्वस्थ पशु वध गर्न दिइने छैन । स्वस्थ प्रमाणित भएर पशु वध गरिसकेपछि पुनः मासुको परीक्षण गरिन्छ । त्यसपछि खानयोग्य प्रमाणित भएमा मात्रै त्यस्तो मासु बजार पठाइन्छ ।

बजार पठाउँदा मासुका पिसमा मासु निरीक्षकले छाप लगाउँछन् । छाप लगाएपछि मात्रै त्यो मासु बजार पठाउन योग्य हुन्छ ।

उपत्यकाबाट सुरु, स्थानीय तहअनुसार निरीक्षक खटिँदै
यो ऐन सुरुमा काठमाडौँ उपत्यकामा लागू हुनेछ । मंगलबारदेखि काठमाडौं, ललितपुर र भक्तपुरका २१ वटा स्थानीय तहमा यो ऐन अनिवार्य गरिँदैछ । यसका लागि कृषि, वन तथा पर्यावरण मन्त्रालयले २२७ जना मासु निरीक्षक खटाएको छ ।

यीमध्ये काठमाडौंमा १३७ जना, ललितपुरमा ५६ जना र भक्तपुरमा ३४ जना मासु निरीक्षक तथा पशु चिकित्सक खटिँदैछन् ।

काठमाडौं महानगरपालिकामा ५३ जना, बूढानीलकण्ठ नगरपालिकामा १६ जना, कीर्तिपुर नगरपालिकामा १३ जना, चन्द्रागिरि नगरपालिकामा १३ जना, तारकेश्वर नगरपालिकामा १० जना र टोखा नगरपालिका ८ जना मासु निरीक्षक खटाइएका छन् । नागार्जुन नगरपालिकामा ७ जना, गोकर्णेश्वर नगरपालिकामा ६ जना, कागेश्वरी मनोहरा नगरपालिकामा ५ जना, शंखरापुर नगरपालिकामा ४ जना र दक्षिणकाली नगरपालिकामा २ जना मासु निरीक्षक खटिएका छन् ।

ललितपुर जिल्लातर्फ ललितपुर महानगरपालिकामा ३३ जना, महालक्ष्मी नगरपालिकामा १२ जना, गोदावरी नगरपालिकामा ८ जना, कोन्ज्योसोम गाउँपालिका, बागमती गाउँपालिका र महांकाल गाउँपालिकामा १/१ जना मासु निरीक्षक खटाइएको छ ।

भक्तपुरतर्फ मध्यपुर थिमि नगरपालिकामा १२ जना, भक्तपुर नगरपालिकामा ८ जना, सूर्यविनायक नगरपालिकामा ८ जना र चाँगुनारायण नगरपालिकामा ६ जना मासु निरीक्षक खटाइएको छ ।

यति मात्रै नभई, ८ जना प्राविधिक सहसचिवको नेतृत्वमा समन्वय टोली पनि खटाइएको छ ।

माघदेखि काठमाडौँ बाहिर पनि
सरकारले यो ऐन काठमाडौँ उपत्यकामा मात्रै सिमित नराखी क्रमशः देशभरी लागू गर्ने जनाएको छ । पहिलो चरणमा काठमाडौँ उपत्यकामा लागू गरिने यो कानून दोस्रो चरणमा माघ १ गतेदेखि काठमाडौँ बाहिरका महानगरपालिका, उपमहानगरपालिका र नगरपालिकामामा लागू हुनेछ ।

तेस्रो चरणमा आउँदो साउन १ देखि देशभरका सबै गाउँपालिकामा पनि लागु गर्ने सरकारको तयारी छ ।

spot_img

LEAVE A REPLY

Please enter your comment!
Please enter your name here

spot_img

- Advertisement -

spot_img
spot_img
spot_img

उच्च मूल्यबाट ७० हजारले सस्तियो सुन, किन्ने सही समय आएको हो ?

२०८२ साल माघ १५ गते नेपाली बजारमा छापावाल सुनको...

कान्तिपुर फर्मासुटिकल्स ल्याबले मङ्सिर १० देखि आईपीओ निष्काशन गर्ने

कान्तिपुर फर्मासुटिकल्स ल्याब लिमिटेडले मङ्सिर १० गतेदेखि पहिलो चरणको...

२ लाख ७० हजारबाट ओरालो लाग्यो सुनको भाउ

आज सोमबार पनि सुनको भाउ घटेको छ । आइतबार...

विश्वप्रसिद्ध टायर ब्रान्ड मिशेलिनको प्रिमियम टायर ‘प्राइमसी ५’ अब नेपालमा

नेपालका लागि विश्वप्रसिद्ध टायर ब्रान्ड मिशेलिनको आधिकारिक वितरक सिप्रदी...

छठ पर्व सम्पन्न

उदाउँदो सूर्यलाई अघ्र्य दिँदै छठ पर्व सम्पन्न भएको छ...

भारतीय शेयर बजारमा फर्किए विदेशी लगानीकर्ता, ९ दिन मै ८ खर्बभन्दा धेरै लगानी

महिनौंसम्म निरन्तर शेयर बिक्री गरेका विदेशी लगानीकर्ताले नोभेम्बरको सुरुवातमा...