फिफा विश्वकप २०२६ को छनोट प्रक्रिया पूरा भएको छ। अन्तिम प्लेअफ र युरोपेली प्लेअफका माध्यमबाट थप ६ टोलीले विश्वकप टिकट पक्का गरेका छन्। अब ३ आयोजक राष्ट्रसहित कुल ४८ टोलीले क्यानडा, मेक्सिको र अमेरिकामा आयोजना हुने यो ऐतिहासिक प्रतियोगितामा भाग लिनेछन्।
हिजो सम्पन्न अन्तिम प्ले अफका खेलहरुबाट अन्तिम ६ टिम छनौट भएका हुन् । जसमा युरोप (UEFA) बाट स्वीडेन, टर्की, चेक गणतन्त्र, र बोस्निया एण्ड हर्जगोभिना छनौट भएका छन् । त्यस्तै अन्तरमहादेशीय प्लेअफ बाट इराक र कंगो डीआर छनौट भएका छन् ।
यो विश्वकप ४८ टोलीको भएको पहिलो संस्करण हो, जसमा १२ समूहमा विभाजन गरी खेलाइनेछ। प्रत्येक समूहमा ४ टोली रहनेछन्। समूह चरणपछि शीर्ष दुई टोली र प्रत्येक समूहबाट उत्कृष्ट ८ तेस्रो स्थानका टोलीले नकआउट चरणमा प्रवेश गर्नेछन्। कुल १०४ खेल हुनेछन् र फाइनल १९ जुलाई २०२६ मा न्यूयोर्क/न्युजर्सीमा हुनेछ।
यी छनोटसँगै विश्वकपको पूर्ण टोली सूची तयार भएको छ।
को को भए छनौट ?
आयोजक: क्यानडा, मेक्सिको, अमेरिका
एशिया (AFC): अस्ट्रेलिया, इरान, जापान, जोर्डन, दक्षिण कोरिया, कतार, साउदी अरेबिया, उज्बेकिस्तान
अफ्रिका (CAF): अल्जेरिया, केप भर्डे, कंगो डीआर, कोट डिभ्वार, इजिप्ट, घाना, मोरक्को, सेनेगल, दक्षिण अफ्रिका, ट्युनिसिया
उत्तर/मध्य अमेरिका (CONCACAF): कुराकाओ, हाइटी, पानामा (आयोजकसहित)
दक्षिण अमेरिका (CONMEBOL): अर्जेन्टिना, ब्राजिल, कोलम्बिया, इक्वेडर, प्याराग्वे, उरुग्वे
ओसेनिया (OFC): न्यूजिल्यान्ड
युरोप (UEFA): अष्ट्रिया, बेल्जियम, बोस्निया एण्ड हर्जगोभिना, क्रोएसिया, चेकिया, इङ्ल्यान्ड, फ्रान्स, जर्मनी, नेदरल्याण्ड्स, नर्वे, पोर्चुगल, स्कटल्याण्ड, स्पेन, स्वीडेन, स्विट्जरल्याण्ड, टर्की
नयाँ डेब्यु टोलीहरू: कुराकाओ (सबैभन्दा सानो राष्ट्र), जोर्डन, उज्बेकिस्तान, केप भर्डे आदि ले पहिलो पटक विश्वकप खेल्नेछन्।
हेर्नुस् विश्वकपको समूह विभाजन
