सरकारले लगानी बोर्डको प्रमुख कार्यकारी अधिकृत याङ्की उक्यावलाई नियुक्त गरेको छ। आज बसेको मन्त्रिपरिषद्को बैठकले उनलाई सीईओ नियुक्त गर्ने निर्णय गरेको हो।
उनी विकास अर्थशास्त्री तथा सार्वजनिक नीति, दिगो विकास र लगानी क्षेत्रकी विज्ञ हुन्। उनीसँग युएनडीपीमा सल्लाहकारको रूपमा काम गरेको अनुभव पनि छ।
अर्थ मन्त्री डा. स्वर्णिम वाग्लेको नेतृत्वमा रहेको सिफारिस समितिले लगानी बोर्डको सीइओको लागि याङ्की उक्याब, मनोज पौडेल र जितेन्द्र धितालको नाम मन्त्रिपरिषदमा सिफारिस गरेको थियो। मन्त्रिपरिषद्को बैठकले याङ्की उक्याबलाई सीईओ नियुक्त गर्ने निर्णय गरेको हो।
